🍃🍃🍃🍃🍃🍃🍃🍃🍃🍃🍃
पावन होय नवा बछर,इही मोर हे आस
आय घर सबके खुसी,होय दुख के नाश
लूटगे पाछू बछर म ,कतको माँ के लाल
बैरी आतंकवाद ह,बनगीस उखर काल
रोवाइस हे गोंदली',हवय रिसाए 'दार'
ए बछर महंगई ले, हो जातिस उदधार
घुरगीस हवा म जहर,परगे समाज म फूट
कलपत रीगे निर्भया,गिस अपराधी छूट
अभिनेता के बोलीे ह,आगी दीस लगाय
गउचारा के खवइया,जीत अबड़ इतराय
हलधर के हाल बुरा,फाँसी म झुलजात
देख के उखर हाल ला,करेजा ह जरजात
होवय झन कभू अइसन,रख बेटा के बात
नवा बछर के कामना,रखबे भोला हाथ
जुरमिलके सब रहय,मया बगरय झार
भुइया दुख के फोर ,फुटही सुख धार|
🍃🍃🍃🍃🍃🍃🍃🍃🍃🍃
सुनिल शर्मा"नील"
थान खम्हरिया,बेमेतरा(छ.ग.)
7828927284
18/01/2016
CR
(ये कविता copyright है बिना अनुमति के प्रकाशन या इसका उपयोग कानूनी गलत है)
कोई टिप्पणी नहीं:
एक टिप्पणी भेजें