मंगलवार, 7 जुलाई 2015

"डिजिटल क्रान्ति आही" गाँव-गाँव ब्रॉडबैंड ,घर-घर मनखे इंटरनेट चलाही सरकारी दफ्तर के कामबुता ऑनलाइन हो जाही बिकसित होही भारत तय देखबे रे मोर संगवारी हमर तिरंगा झंडा ह दुनिया भर म लहराही डोकरा बबा इस्माटफोन ले मौसम के हाल बताही पढ़इया लइका अपन जिग्यासा गूगल ले बूताही जम्मो एलेक्टरानिक समान देस भीतरी बने लगही पोट्ठ होही देस हमर,चीन के झुक्खा जर जाही पढ़े-लिखे बेरोजगार लईकामन काम-बुता पाही कतको सुविधा घर बइठे हमर दुवारी तक आही नई रहय झंझट कॉपी-किताब अउ गरू बस्ता के अब ज़माना इस्मार्ट किलास अउ इ-बुक के आही परधानमंत्री बिडियो कान्फ्रेसिंग ले सब संग गोठियाही मनखे के चिन्हारी ओखर मोबाइल नंबर बन जाही कोनो बीमारी रहय इलाज के संसों झन करिहव एक किलिक म मनचाही हस्पिटल के नम्बर लग जाही ज़माना के संग-संग रेंगइया कहा कभू पछवाही जउन बिज्ञान के संग धरही जम्मो सुख ल पाही तहु होजा डिजिटल आज समे के मांग इही हे देखबे संगवारी भारत म अब डिजिटल क्रान्ति आही| सुनिल शर्मा "नील" थान खम्हरिया,बेमेतरा(छ.ग.) 7828937284 9755554470

कोई टिप्पणी नहीं:

एक टिप्पणी भेजें